I går kom den forrige huseigaren saman med si gamle mor og henta oss med terrengbil og tok oss med på ein fantastisk rundtur i området rundt Lagoa de Óbidos. Vi humpa av garde til stadar vi elles aldri ville ha funne. Dei to kunne ikkje engelsk, han litt fransk, men med ordbok i portugisisk går det meste. Så lenge vi heldt oss til "muito bonito" og "agradável" og litt i den stilen, gjekk det bra, men når Morris ville ha greie på kva dyreartar som levde i skogane omkring, gjekk alt i ball. Der strakk ikkje mine to kurs i portugsisk til! Dei to vennlege portugisarane smilte og nikka og flira, - og det gjorde for så vidt Jan også! Det vart i alle fall ein uvanleg interessant og flott tur! Håper bileta formidler litt av inntrykka! Ser de for eksempel dei tradisjonelle nausta av halm? Kanskje "naust" er feil ord, men hus dei oppbevarte fiskeutstyr og skifta klær i, etter det eg forsto.