Óbidos er ein av dei sjeldne middelalderbyane med intakte bymurar, og den har plass på Unesco si verdsarvliste. Dom Denis ga byen til si kjære Dona Isabel i 1228, og han bygde også slottet som framleis står, - no som Pousada, der du kan overnatte for 207 euro pr natt. Bymurane blei sett opp av maurarane.

Byen er så vakker at du kan grine! Det er vanskeleg å formidle inntrykka. Kom nedover og sjå sjølve! Vi tok over 70 bilete av byen, -det seier vel sitt -og vi hadde ein hard kamp med oss sjølve for å halvere mengda. Fantastisk flott dag med 26 grader og ein sval bris.